狐假虎威【客家話】
在一隻濃密介樹林(su4lim2/森林)裡背(di1boi4/裏面)，有一條好惡介(e4/的)老虎。佢(gi2/牠)肚胈(du3pat6/肚子)餓哎陣(ai4cin4/的時候)，都會打(da3/獵取)其它野性(ya1sin4/動物)來食。 有一日佢遇到條狐狸。狐狸啱先(ngam1sien4/剛剛)想愛(oi4/要)溜走哎陣，就分佢一捉捉等(zuk5den3/抓到)嗨嘀(hoi1di1/了)。出嗨名蠱惑(gu3vak6/狡猾)介狐狸看到自家冇(mau2/沒有)辦法走得脫(lot5)，就想到一隻計謀(ge4miu2/計策)。佢板起面來教訓老虎講︰“老虎阿哥，你有冇搞錯哦，我(ngai2)你都敢捉來食(sit6/吃)？你知道我係哪人(na4ngin2/誰)無(mo2)？我講你聽啦：我係(he4/是)天神派來打管所有介野性介。你吃嗨我介話，就係違抗天神介旨意，你擔當得起無。”老虎一聽到就嚇到下。狐狸黏時(ngiam2si4/接著)就講落去︰“你還係(han2he4/還是)唔信(m1sin4/不相信)係咩(he4me4/是不是)？你就黏等(ngiam2den3/跟著)吾尾(nga1 mui1/我的後面)在樹林行一擺(hang2yit5bai3/走一趟)，看下係咩所有介野性看到我，都會走死唔愛命(ziu3si3m1oi4miang4/拼命地跑)。”老虎聽到狐狸講話介口氣恁(an2/這麼)大，就相信嗨幾分，決定黏等狐狸去看下。 樹林裡背大大細細(tai4tai4se4se4/大大小小)介野性，看見狐狸大搖大擺，奢鼻奢鼻(sa1pi4sa1pi4/神氣活現)恁樣行等過來，後背還騰等(ten2den3/跟著)一條生生猛猛介大老虎，都嚇到冇命(hak5dau4mau2miang4/嚇得要死)，有恁遽(giak5/快)得恁遽走轉屋下(zon3vuk5ka1/回家)。老虎看到之後，唔知道恁多野性係怕佢自家，還以為真係被狐狸介威風嚇走介，就正經(zin4gin1/真的)相信嗨狐狸介話。老虎還惶(kong2/怕)得失狐狸，惶佢會罰自家，也遽遽扭轉頭(ngiu4zon3tiu2/ 轉過頭)走嗨。
狐假虎威【圍頭話】
喺一個好濃密嘅森林入介（裡面），有一隻好惡嘅老虎。佢肚餓嗰陣時，都會捉一滴野獸來吃。 有一日佢遇到一隻狐狸。狐狸啱啱想偷走嗰陣時呢，就畀佢一捉捉住啦。出咗名蠱惑嘅狐狸睇見自己冇辦法走得甩，就諗個計仔啦。佢黑住塊面教訓老虎就話啦︰“老虎大哥，你有冇搞錯，我你都敢捉來吃？你知唔知我係那誰啊？我講畀你聽：我係天神派來打理所有嘅動物嘅。你吃咗我嘅話，就係違抗天神嘅意旨，你擔唔擔當得起。”老虎一聽到就好惶（kong2/驚怕）啦。狐狸即刻就講落去︰“你重係唔信係咪呢？你就跟喺我後面喺樹林行一個圈，睇下係咪所有嘅動物睇到我，都走都走唔掣啦。”老虎聽到狐狸講話嘅話咁大口氣，就相信咗少少啦，決定跟住狐狸去睇下啦。 樹林入介大大細細嘅野獸，睇到狐狸大搖大擺咁樣，沙塵白霍行來行去咼，後面重跟住一條生生猛猛嘅大老虎，都嚇到冇晒命啦，有咁快得咁快咁走去歸啦。老虎睇到之後呢，唔知道咁多野獸係惶咗佢自己咼，重以為狐狸咁威水，嚇到個個都走啦，就真係相信咗狐狸嘅說話。老虎重惶得失狐狸，惶佢會罰自己咼，亦都快快擰轉頭就走啦。